جاء ليعتزر

{ يا أيها اللذين امنوا ان جائكم فاسق بنبأ فتبينوا ان تصيبوا قوما بجهاله فتصبحوا على ما فعلتم ناديمن }

http://www.youtube.com/watch?v=MqJ9ifXPjoI

بعد سب وقذف علنى منه أمام مرأى ومسمع من كل البشر ضد لاعبى منتخب مصر لكرة القدم واتهامهم بإتهامات ملفقة وإفتراءات كاذبة,
بعد كل هذا وذاك جاء عمرو أديب أمس على شاشة برنامجة اليومى<القاهرة اليوم> ليقدم إعتزارة لما بدر منه فى حق لاعبى منتخبنا المصرى والأهانه التى تعرضوا لها على يدة ومن ثم تشويه صورتهم فى الداخل والخارج ومعاناه أسرهم بالطبع مما سمعوه عن ازواجهم فى الخارج.

"جاء ليعتذر",,
طيب كويس والله ان عم عمرو إعتذر بعد كل البلاوى اللى قالها دى, وانه اعترف انه كان مخطىء فى وصفة لاعيبة منتخبنا بالشكل المهين اللى قدمه لنا امبارح دة,
مش عيب انك تخطىء أكيد لكن العيب انك تستمر على خطأك دة, وأدام انت اعتذرت امام كل الدنيا ومن نفس المكان اللى هاجمت فيه الناس دى بردة امام كل الدنيا,, "فـــعفى الله عما سلف" زى م انت طلبت من كل الناس انها تسامحك وقلت كدة فى اخر حلقة ليك على القاهرة اليوم.

"طلب صغيـــر" يا ريت يا جماعه نخاف على بعض شوية, مش اى حد يقول على حد فينا حاجة نصدقها وننهش فى لحم بعض بالطريقة دى,ربنا سبحانه وتعالى بيقول (يا أيها اللذين امنوا ان جائكم فاسق بنبأ فتبينوا ان تصيبوا قوما بجهاله فتصبحوا على ما فعلتم ناديمن) يعنى لا إسلامنا ولا عاداتنا ولا تقاليدنا بيقولوا كدة,

ياريت يا جماعه نخاف على بعض,, ياريت نحب بعض

المش مؤدب عمرو

بصراحة فكرت كتير قبل م أكتب الكلام دة, وفكرت أكتر قبل م أختار عنوان للكلام اللى هقوله, لكن بصراحة ملقيتش قدامى غير انى اكتب العنوان اللى انتوا شوفتوه والكلام اللى ان شاء الله هتقروه,,

" خسارة مذله لمنتخب مصر وأفريقيا على يد منتخب ناطحات السحاب الأمريكية ", طبعاً مكنش منتخب الناطحات أفضل ولا حاجة لكن منتخب مصر وأفريقيا هو اللى كان تعبان حبتين ومقدرش يأدى فى الماتش دة زى الماتشين اللى فاتوا,

(الأسباب)...1/حسن شحاته والتشكيل ودة <70%>, 2/ارهاق كـــــــل اللاعيبة ومعرفش لية فى الماتش دة بالذات طبعا ودة <30%>.......دى وجهه نظرى الشخصية يا جماعه على فكرة,

( رد الفعل )...1/نقد من كل الصحف المحلية والوطنية والمسايسة والمعارضة ومن الـ 80 مليون نفر اللى فى بلدنا نفر ينطح نفر,2/نقد من كل الاعلامييــــــــــــــــن "ركزوا اوى على النقطة دى" كل حسب طريقته الخاصة والتعبير عن المهزلة اللى كلنا شوفناها أكيــد,

لحد هنا وكل دة عادى وجميل وطبيعـــــــى جداً نتيجة للى احنا شوفناه امامنا امبارح على شاشات التلفزيون,
ناس زعلانة وناس مخنوقـــــــــــــــه وناس بتنتقد وناس بتشتم فى الجهاز واللاعيبة للتخاذل والتهاون والاستهتار, كل دة متوقع ومعروف فى بلدنا, لكن توصل الجرأة للبعض انه يتهم اللاعيبة فى شرفها وانهم كانوا أصحاب "سهرات حمراء" على حد قوله يوم الفوز على إيطاليا وإن دة كان السبب فى سرقة الفلوس والأغراض الشخصية بتاعهم"على فكرة يا جماعه: السرقة دى اللاعيبة اكتشفتها اول م رجعت من الاستاد بعد ماتش ايطاليا, يعنى مش يوم الماتش بليل وقت "السهرات الحمرا" زى ما قال الاخ المبجل الموش مؤدبـــــــــــــ عمرو ليس بأديبـــــــــــــــــــــ ,
وصل بينا الحال اننا نتهم ناس بتسجد لله بعد كل جول بيجيبوه وكل دة قدام عينينا"انا مش بدافع عن حد والله" بس يا اخى انصر اخوك المسلم, وبعدين اللى قالوا عليهم كدة دول كفره بردة وملهومش لا زمة ولا دين, ومن الطبيعى جدا انك لما تتهم حد بالسرقة انه يألف لك اى تهمة ويفبركها ويلبسهالك زى م بيقولوا عشان متقدرش تفتح فمك بكلمة,

لكن اللى مش طبيعى واللى مكنش متوقع ان احنا نصدق الكلام بالشكل اللى اتقال دة ومش كدة وبس , لآ وبنزود كلام من عندنا بلااااااااااوى متلتله,
والله يا جماعه انا كنت هحط لكم الفيديو بتاع الاخ "المش مؤدب" دة داخل البوست لكن اتكسفت له سلف وأتحرجت انى أخدش حياء حد بالكلام اللى هو قاله ده.

بجد يا جماعه حاجة تكسف لما واحد مننا يطلع يأيد كلام زى دة لناس زى دى ومش بس كدة ,لآ وبيزيد الطينة بله كمان بإفتراءات من عندة.

والله يا أخوانا انا فكرت للحظة ما انى ابطل اتفرج على ماتشات للمنتخب دة تانى واى كورة فى مصر عموماً, بس مش معنى كدة انى اطلع قدام كل الناس كدة وأطعن فى عرض 5 من اللاعيبة وأقول وأعيد وأزيد فى حقهم,

بصراحة معرفتش اقوله ساعتها غير..حسبى الله ونعم الوكيل وربنا يهديك

خالص تعازينا للمنتخب المصرى الحزين وبالتوفيق فى اللى جاى ان شاء اللــــــه.

كن محمدياً

كن محمدياً
هكذا سمع الشاب صوت النبى (عيسى) عليه السلام فى منامه وهو يقول له " كن محمدياً "

قرب الرحيل إلى ديار الأخرة
فأجعل إلهي خير عمرى أواخره

اللهم أحسن خواتيمنا, وأختم بالباقيات الصالحات أعمالنا .... يا رب العالميـــــــن

(( ........حبيت تكون دى بدايتى فى عالم التدوين,,, وربنا يتقبل منا ومنكم صالح الأعمال........ ))